حلت الفنانة سحر رامي، ضيفة في حلقة أمس السبت، من برنامج “كلام الناس” الذي تقدمه الإعلامية ياسمين عز، ويعرض عبر قناة “MBC مصر”.
وكشفت سحر، خلال الحلقة كواليس الساعات الأخيرة في حياة زوجها الفنان الراحل حسين الإمام، حيث قالت: “هو كان طلع سابنا تحت وطلع الأوضة دخل الحمام فأتأخر.. فأنا بقول هو حسين اتأخر كده ليه.. طبعًا الدنيا كانت حر وهو بيحب يستحمى وياخد دش يقعد في البانيو وكده فقولت لو يكون طلع ياخد دش ويقعد في البانيو وسابنا بقى والضيوف تحت بهز يعني”.
وأضافت: “والأوكرة بتاعت الحمام بتاعت الأوضة بتاعتنا.. عارفة الباب لما بيتقفل بتفتح من بره ما بتفتحش من جوه فيها لوحة كده فقولت لا يكون اتحبس في الحمام هطلع أشوفه.. قولتله حسين هو انت في الحمام انت محبوس في الحمام ولّا إيه اتأخرت علينا فقالي أه افتحي لاحسن مش قادر أخد نفسي افتحيلي.. ففتحت الأوكرة كان فعلًا واخد دش وبيغسل سنانه وكده وقالي أنا مش قادر أخد نفسي.. ووقع عليا على السرير يعني هي لحظة يا دوبك سندته كده وقع على السرير.. يعني أنا طبعًا كنت مش عارفة إيه اللي بيحصل داخ أو حاجة ده اللي جه في دماغي ساعتها لكن في 5 دقايق راح راح.. مشي أقل من 5 دقايق.. أنا كنت منهارة يعني بزعق وبصوت طلعولي بقى من تحت أصحابي اللي كانوا موجودين ومقدرناش نعمل حاجة يعني”.
وتابعت: “التشخيص الدكتور قالي إن جلطة مفاجئة في الشريان التاجي.. هو قالي كده بالظبط.. جلطة مفاجئة ما تتلحقش غير بحقنة الأدرينالين اللي هي بتتاخد في القلب في خلال 10 دقايق من الحالة وده اللي بينقذه بيبقى هو في المستشفى إنما ده إحنا كنا في الطريق الصحراوي يعني.. فقالي هي المدة دي ما كانتش ممكن تتلحق ولو اتلحقت بتسيب أثر ممكن يبقى مشلول ممكن يبقى أعمى يعني ليها أثار جانبية أوحش من الفراق”.
عيب اللي لابساه في صوابع ايديكي .. الوقار حلو .