ردت الإعلامية ياسمين عز، على الانتقادات التي تعرضت لها خلال الفترة الماضية، بسبب تصريحاتها حول العلاقة بين الزوج والزوجة، خلال حلقات برنامجها.
وردًا منها على سؤال ضيفتها الإعلامية أميرة عبد العظيم: “انتي عاملة قلق ليه يا ياسمين.. عاملين حفلة عليكي ليه؟”، أجابت قائلة: “أنا والله غلبانة.. خليهم يتبسطوا.. أنا دايمًا أقول طالما مبسطوين فداهم أي حاجة.. أنا مش متضايقة”.
وأضافت: “حتى لو هتقولي نقد.. نقد هيريحك أنا مبسوطالك إنك مرتاحة انتي الكلمة دي اللي كتبتها بسطتك أنا مبسوطالك.. أنا بقدم مادة مفيدة وممتعة.. أنا بحب الستات اللي ممكن تنقارني بحبها أوي.. لكن الهادية اللي تقولي انتي صح لأ”.
وتابعت: “بحب المناقرة جدًا وفاهمة السوشيال ميديا خلاص.. في ناس ربنا رزقهم بالبرود الشديد زيي الحمد لله وفي ناس بيكونوا أكتر حساسية.. الأكتر حساسية ما بيشتغلوش شغلانتنا أكيد يعني لا يمتهنوا مهنة الإعلام حاليًا”.
واختتمت مقدمة برنامج “كلام الناس” الذي يعرض عبر قناة “MBC مصر” كلامها قائلة: “أنا بقول الحاجة وبتوكل على الله.. أنا ونصيبي”.
أميرة عبد العظيم: انتي عاملة قلق ليه وعاملين عليكي حفلة ع السوشيال ميديا ؟.. ياسمين عز: خليهم ينبسطوا وأنا ربنا حباني بالبرود الشديد
تقدر تشوف الحلقه كامله على شاهد (اتفرج ببلاش)https://t.co/x5goWQ6F9N#كلام_الناس#MBCMASR pic.twitter.com/SpUoVqUivh— MBC مصر (@mbcmasr) October 13، 2022
