حلت الإعلامية أميرة عبد العظيم، ضيفة ببرنامج “كلام الناس” الذي تقدمه المذيعة الشابة ياسمين عز، ويعرض عبر قناة “MBC مصر”.
وردًا على سؤال مقدمة البرنامج التي قالت فيه “كنتي بتصلي ركعتين قبل ما تكلمي الأستاذ عادل إمام إيه القصة دي؟” قالت أميرة عبد العظيم: “الموضوع أخد أكبر من حجمه.. عايزة أقولك حاجة هو إحنا مش بنستعين بالصلاة لقضاء الحوائج.. يعني انتي لما تكوني عايزة تعملي حاجة وعايزة ربنا يوفقك بتدعي وبتصلي وبتعملي كل حاجة مش عيب يعني”.
وأنا الأستاذ عادل إمام كان أول حلقة ليا في البرنامج وعايزة أبتدي بعادل إمام عشان زي ما قولتلك أبتدي بالتوب.. لكن لو ابتديت صغيرة كنت هفضل على طول صغيرة.. فكنت حريصة أوي.. وفي الوقت ده كان الأستاذ عادل إمام ما بيروحش برامج فأنا كنت قلقانة إن هو ما يوافقش فعادي يعني قومت صليت والحمد لله بصلي يعني مش بس عشان كده وقومت مكلمة الأستاذ عادل إمام وقولتله يا أستاذ أنا فلانة الفلانية وعايزين حضرتك عشان كذا.. قالي كلمتين الراجل والله.. قالي موافق.. بس خلاص.. إيه المشكلة يعني إن إحنا نصلي عشان ربنا يسهل لينا المهام اللي إحنا عايزينها مش مشكلة”.
