حلت الفنانة الكبيرة سماح أنور، ضيفة على الإعلامية ياسمين عز، مقدمة برنامج “كلام الناس” الذي يعرض عبر قناة “MBC مصر”.
وتحدثت سماح أنور، عن سر رشاقتها، لتفاجئ الجميع بأنها لا تشرب المياه نهائيًا، قائلة: “بقالي 17 سنة ما شربتش ميه.. لازم الميه ما يبقلهاش طعم ولا ريحة دي مواصفاتها.. الميه كلها ليها طعم وليها ريحة دي ما بشربهاش.. لما باخد منها جسمي بيتضايق وبطني بتوجعني”.
وأضافت سماح: “مش لازم بس نشرب ميه.. إحنا بناكل الميه.. بناكل الفاكهة وناخد منها الميه ودي السكريات اللي بيحتاجها الجسم طول الوقت ولو وقف في الهوا الجلد بيشرب الرطوبة”.
وتابعت سماح: “البيزنس الأمريكاني بيقول أشرب ميه طول الوقت.. وكل اللي شرب تعب.. ده مش طبيعي.. الطبيعي إن الجسم عاوز حاجة أديهاله”، مشيرة إلى أن المياه المعدنية لها طعم وبها شوائب، وعندما تشربها تشعر بالتعب، أما إذا تناولت العصير لا يحدث شيئًا.
وأوضحت سماح، أن هناك الكثير من الاطباء سوف يختلفون مع رأيها، فهي غير مختصة ولكنها تتحدث عن حالتها فقط، ولا تنصح الناس بأنهم لا يشربون الماء.
