“بعد ظهورها بفستان مكشوف”.. منى فاروق لمنتقديها: أنا في الأول والأخر بنت بتتكلموا في عرضي ليه!
أثارت الفنانة الشابة منى فاروق، ضجة كبيرة خلال الساعات الأخيرة الماضية بعد ظهورها في مقطع فيديو نشرته مؤخرًا عبر حساباتها الرسمية على مواقع التواصل الاجتماعي، ظهرت فيه بفستان صيفي مكشوف.
وتعرضت منى، للانتقادات الشديدة والسخرية من إطلالتها، بالإضافة إلى تناول بعض المواقع الإخبارية مقطع الفيديو بعناوين مثيرة وصادمة، حيث وصف البعض فستانها بـ “قميص النوم”، مما جعلها تخرج عن صمتها للرد على منتقديها من خلال منشور عبر خاصية القصص الملحقة بحسابها الرسمي على موقع تبادل الصور والفيديوهات “انستجرام”.
وهو المنشور الذي قالت فيه منى: “أنا استغربت جدًا وكنت مستاءه الحقيقة من الخبر، وعمومًا هذه هي الصورة قوليلي معلش هو ده قميص نوم؟”.
وأضافت: “ما كل البنات بتلبس فساتين صيفي عادي يعني أنا حرة ليه نازلين فيا جلد.. ده ربنا بيسامح وبيغفر لعباده الذنوب.. انتوا إيه ملايكة يعني”.
وتابعت: “عمومًا أنا أحسن منكم أنا ربنا أنعم عليا بستر جديد خدوا بالكم رصيد ستركم هيخلص من كتر الأذى والشر اللي بتعملوه فيا وربنا عقابه شديد ويلا نزلوا خبر عن كلامي ده كمان”.
واستكملت: “انتوا مزعجين جدًا بس أنا ولا فارق معايا كلامكم أنا بعامل ربنا مش بعامل البشر.. بجد حسبي الله ونعم الوكيل في كل الناس اللي بتكتب عني بالكذب.. بس هو أنا ليه شغلاهم أوي كده إيه القرف ده ما يروحوا يشوفولهم شغلانة بدل ما يقعدوا يكتبوا في عرضي وشرفي.. عيب بقى كفاية قرف”.
واختتمت كلامها قائلة: “أنا في الأول والأخر بنت بتتكلموا في عرضي ليه! خافوا ربنا شوية انتوا ايه خسارة أقول عليكم بني آدمين والله انتوا عديتوا الشر.. حسبي الله ونعم الوكيل في كل شرير وحاقد وحاسد وشخص بدون شرف بيكتب في عرضي وشرفي وحقي بالباطل الله لا يسامحكم.. خافوا ربنا.. ربنا موجود وهيعوضني خير.. وأنا في حماية ربنا”.
