“مش علشان بقدم برامج دينية أبقى شيخة الاسلام”.. أول تعليق من ميار الببلاوى بعد تعرضها للتنـ.ـمر بسبب المكياج

قامت الاعلامية المعروفة ميار الببلاوى، بالرد على الشائعات التى تم تداولها عن تنـ،ـمرها على المطربة الجميلة شيرين عبدالوهاب، وأوضحت الاعلامية بأنها لم تقم بهذا الأمر، وأشارت إلى أنها دائما ما تتعرض لهذا الأمر، وذلك بسبب ظهورها بالمكياج وخصوصاً أنها مُقدمة برامج دينية.

وأكدت ميار في تصريحات خاصة لـ الفجر الفنى وقالت:ـ “والله انا عمرى ما عملتها مع أى شخص، وكمان الناس بتقعد تتكلم عليا وتقول ياللى حاطة ضوافر.. ياللى حواجبك.. ياللى بتحطى مكياج وإنتى بتقدمى برامج دينية، وكأنى مقدمة البرامج الدينية دى شيخة الاسلام”.

وتابعت الاعلامية:ـ “كلنا مُقدمين برامج زى بعض، وده مش معناه إنى جهبذ الدين.. أه أنا معايا دكتوراه في الفقة، ولكن ده ما يمنعشى إنى بنى آدمه وست وأنا حابه يكون شكلى حلو، وكمان حبيت إن شيرين يكون شكلها حلو وحبيت إن أى سيدة توقع في نفس الأزمة تكون قوية، وده في الأول والآخر نصيب وصاحب العوض موجود حتى لو اختيارتنا كانت غلط”.

وجديراً بالذكر، بأن الاعلامية ميار الببلاوى قامت منذ عدة أيام بتوجيه نصيحة للفنانة شيرين عبدالوهاب من خلال فيديو نشرته عبر حسابها الشخصى على موقع التواصل الاجتماعى “فيس بوك”، وقالت:ـ “شيرين فوقى لنفسك ولبناتك.. الدنيا مش هتوقف على حد اسألينى انا، وكمان كلنا اتصدمنا واتطلقنا وفشلنا، وإنتى مش ملك روحك إنتى ملك الجمهور، والمفروض تكونى مثل أعلى لبناتك”.

وأنهت قائلة:ـ “أنا متأكده إن حبك كان كبير والعلاقة بينكم كانت كويسة.. بس ياريت تمسكى نفسك وتثبتى شوية، وإلبسى أحلى ما عندك وياريت تخسى شوية وتظبطى وزنك، وأرجوكى بناتك كده هيبقوا حاجة من الاتنين يا إما عبيد للى هيرتبطوا بيهم يا إما مفيش علاقة نهائى، وإحنا في انتظار شيرين بتاع زمان بنت البلد الجدعة الأصيلة اللى إتعودت على الأزمات، وفى كل مرة بترجع تانى أحسن من الأول”.