حلت الفنانة الشابة هنادي مهنا، ضيفة على برنامج “في البوكس” الذي يعرض عبر قناة “Gossips” على موقع الفيديوهات العالمي “يوتيوب”.
وكشفت هنادي، خلال الحلقة عن الكثير من كواليس حياتها الشخصية والفنية، وكشفت أيضًا عن شعورها عند رؤية صورها القديمة قبل خسارة الوزن، حيث ردت على سؤال فريق الإعداد “لما بتشوفي صورك القديمة قبل ما تخسي بتحسي بإيه؟” قائلة: “ببقى عايزة أعيط.. حاسة إن أنا شايفة جاموسة والله العظيم كانت حاجة بشعة معرفش أنا قعدت كده إزاي!”.
وأضافت هنادي، قائلة: “كان موضوع صعب جدًا أصل أنا طول حياتي بلعب رياضة ومعظم الوقت عمري في حياتي ما كنت كده.. فأنا لما بشوف صوري بتضايق وأكتر حاجة مضايقاني صور فرحي اللي هو أنا هموت وأنزلها بس مش عارفة أنزلها خلاص بقى.. بفكر أعمل فوتوسيشن وأعمل فرح تاني وبتحايل على أحمد بس أحمد مكسل تقريبًا مش قادر والله العظيم وقولتله كذا مرة نعمل فوتوسيشن عشان يبقى عندي صور بفستان الفرح”.
يذكر أن الفنانة هنادي مهنا، يعرض لها حاليًا مسلسل “مكتوب عليا” وهو مسلسل كوميدي يعرض حصريًا على قناة “dmc” خلال شهر رمضان الجاري.
“مكتوب عليا” بطولة: أكرم حسني، وعمرو عبد الجليل، وأيتن عامر، وهنادي مهنا، وحنان سليمان، ومحمد طعيمة، ومحمود السيسي، وهلا رشدي، وبسنت النبراوي، وأسامة عبد الله، وعزة لبيب، وجهاد عصام، وإسماعيل فرغلي، والطفلة هنا زهران، وعدد كبير من ضيوف الشرف، من تأليف: إيهاب بليبل، وإخراج: خالد الحلفاوي.
