حلت الإعلامية الكبيرة هالة سرحان، ضيفة على الإعلامية أسما إبراهيم، مقدمة برنامج “حبر سري” الذي يذاع عبر قناة “القاهرة والناس” خلال شهر رمضان الجاري.
ووجهت مقدمة البرنامج سؤالًا لهالة سرحان قالت فيه: “من غير كسوف يا دكتور.. ليه محمد ابن حضرتك ما بيقولش إن هو ابن الدكتورة هالة سرحان؟”.. لترد قائلة: “لإن هو محمد شخصية مستقلة دايمًا أولاد لإننا اسمنا في الساحة أنا ووالده فهو مش عايز يبقى مطبوع بإننا أنا ابن فلان وفلان.. والناس فاكرة إن إحنا بنساعده أقسم بالله ما أعرف عن شغله حاجة ولا عنه أي حاجة”.
وأضافت: “أنا اتفرجت على فيلمه زيي زي الناس ولما روحت معاه الحفلة روحت بصفتي أمه وما بيقولش للناس اللي معاه مثلًا بيتفاجئوا مامتك هالة سرحان؟ ما قولتلناش ليه؟ يقولهم وأقولكوا ليه! إيه الموضوع يعني في الحكاية”.
وتابعت: “وجت منها مفارقات لذيذة جدًا أصحابي ما كانوش يعرفوا يعني كان في أصحابي معايا في المسلسل ما كانوش يعرفوا إن أنا أمه فالمفارقات كانت كوميدية شوية بس خلاص”.
يذكر أن محمد أديب، هو الابن الوحيد للإعلامية هالة سرحان، من زوجها السابق الإعلامي الكبير عماد الدين أديب، وهو مؤلف ومخرج له فيلم قصير بعنوان “خمسة جنيه”، وشارك في تأليف مسلسل “بيمبو” للمخرج عمرو سلامة.
