تحدثت الفنانة المعروفة وفاء سالم، عن تفاصيل فترة علاجها النفسى حيث قالت:ـ “المرض النفسى من المستحيل يجى فجأة أو على الأقل اللى حصل معايا، من المؤكد بأن كان له تراكمات وبدايات.. من الصعب جداً تشخيصه.. وده علشان هو بيلمس على أمراض أُخرى”.
وأكدت الفنانة، وذلك من خلال اللقاء الذى جمعها مع الإعلامية ياسمين عز، والتى تقوم بتقديم برنامج “كلام الناس”، والذى يذاع من خلال فضائية “mbc مصر” الليلة الخميس، بأن كل المُحيطين بها لاحظوا مرضها النفسى وقالت:ـ “لو في حد مهتم بيك أو بيحبك أوى وكمان بيفهم.. أكيد هيعرف إنه مرض نفسى”.
وصرحت وفاء، بأن أعراض المرض النفسى تكون في بدايتها على شكل تغير في السلوك، وتابعت:ـ “أعرض المرض النفسى في الأول بتبقى على شكل تغير في السلوك.. سلوكك مش بيبقى زى الأول.. بيكون التغير في السلوك للأسوأ”.
وتابعت الفنانة سالم، على أنها مرت بأعراض المرض النفسى أثناء تواجدها بالمستشفى مدة شهرين حيث قالت:ـ “أدم إبنى لما كان بيشوفنى كده كان بيقولى لازم تعرضى نفسك على طبيب نفسى، والمريض النفسى بيبقى في حالة إنكار.. وكمان بيبقى مش عاوز يعترف.. وبيقول أنا مش مريض أنا زى العسل، وده لدرجة إنى كان بيتعرض عليا أدوار وأفضل أشتغل لغاية ما الأعراض توصل بيا لمرحلة مكنش ينفع إنها تتساب”.
وقامت الفنانة بتوجيه رسالة مؤثرة لإبنها قائلة:ـ “أنا بعتذر لإبنى أدم من مكانى دلوقتى وأنا على الهوا، وده علشان لو مكنتش أُم زى ما أنا نفسى أو زى المفروض أكون، وده علشان سلوكى مكنش كويس معاه بسبب المرض النفسى، وادم أول شخص لاحظ عليا المرض، وده علشان هو أكتر شخص بيحبنى وبيهتم بيا”.
وفى نهاية اللقاء تحدثت الفنانة عن وفاة الفنانة جالا فهمى، وقالت:ـ “إنها إتكلمت عن جالا فهمى قبل وفاتها.. لكن طالما أُسرتها رفضت الكلام فأنا بحترم ده، وعلى فكرة أنا عايشة بالناس وعلشانهم.. وكمان لازم أهتم بأبسط التفاصيل في حياتى الشخصية والفنية أيضاً”.
