“ليه بتخونى كتير.. إيه اللى ناقص فيا؟”.. سمية الألفى تكشف رد الراحل فاروق الفيشاوى عليها في خيانته الزوجية

صرحت الفنانة الجميلة سمية الألفى، على أن زوجها الراحل الفنان فاروق الفيشاوى كان دائما ما يخونها على الرغم من أنها فائقة الجمال، وكانت على علم بما يحدث، كما كانت تسأله كثيراً عن الأسباب التى تجعله يفعل ذلك الأمر بالرغم من أنه لم ينقصه شئ.

وعندما قامت الإعلامية وفاء الكيلانى بتوجيه سؤال للفنانة سمية الألفى في برنامج “السيرة”، والتى تقوم بتقديمة والذى يذاع من خلال فضائية “دى إم سى” مساء أمس حيث قال:ـ “هل سألتى فاروق عن الأسباب التى كانت تجعله يخونك بهذا الشكل؟.. الإنثى ضعيفة جداً.. الأُنثى كتلة مشاعر ممكن تتجرح بسهولة، وإزاى قدرتى تحافظى على ثقتك في نفسك وسط كمية الخيانات الكتير دى اللى متتعدش؟.. هل حُبك الكبير والعميق لزوجك كان حب من طرف واحد؟ أم أنا حبك له كان أكبر بكتير من حبه ليكى؟، وهل هو مكانشى بحبك نفس الحب الكبير ده؟”.

فأجابت الفنانة:ـ “سألته أكثر من مرة وكان جوابه المشكلة عندى أنا العيب فيا، أنا مقاومتى للستات ضعيفة جداً، فقُلت له لو العيب فيا ياريت تعرفنى أو تقولى، كمان أنا عمرى ما سألت نفسى هذا السؤال.. أنا سألته هو هل العيب فيا؟.. وده أكيد علشان أنا كنت واثقة من نفسى كثيراً، وأكيد أنا عارفة أنا بعمل إيه معاه، وهو كمان كان مش بيكمل في هذه العلاقات”.

وعلقت الفنان سمية قائلة:ـ ” الحب.. دائما الحب عندما يكون كبير، فيجعل الست قوية جداً، وكمان يخليها تقدر تسامج زوجها على ما يفعله، وكمان الحب يجعلها لا تفقد القدرة في نفسها أو ثقتها في نفسها، وأكيد لو أنا مش عندى إحساس إنو بحبنى أوى ذى أنا ما بحبه مكنتش هعيش معاه 16 سنة.. دول مش شوية على فكرة، ومكنتش أنجبت منه أحمد وعمر، وكان الطلاق هيكون من أول أو من تانى سنة إتجوزنا فيها”.