أعلن المطرب رامي جمال إصابته بمرض البهاق، وكتب رامي عبر حساباته الشخصيه على السوشيال ميديا قائلا: “الحمد لله الذي أحبني فابتلاني وأقدرني على الصبر.. من فترة ظهرت بقع بيضاء في جسمي وبعد الكشف عرفت إنه مرض البهاق، وجربت علاجات كتير ودكاترة كتير ومفيش فايدة”.
ثم اتبع حديثه قائلا: “رضيت وسلمت أمرى لله عشان عرفت إن الزعل بيزوده وكفاية شغلانتي وصعوبتها والقلق الدائم من المستقبل، وفعلا بقى بيزيد لدرجة لفتت نظر ناس كتير، اللي بقى يقولي هتتعامل إزاي وأنت فنان واللي يخاف يسلم عليا واللي يسألني هو ده معدي”.
اصابة رامي جمال بالبهاق منذ عام
وأضاف: “أنا بقالي سنة فعلا لو عندي حفلة أو تصوير بتعب على ما أشوف طريقة أخفيه بيها، لدرجة خلت ناس تقولي شوف بيزنس ثاني أعمله عشان الناس مش هتقبلك كده، وفكرت في كلامهم بصراحة”.
رامي جمال يفكر في الاعتزال بسبب مرض البهاق
وفي نهاية حديثه قال رامي: “لقيت إن عندي حلين يا فعلا شكرا لحد كده على الشغلانة دي رغم حبي ليها وعدم معرفتي بغيرها، يا إما مش هداريه ثاني وتقبلوني بيه وترحموا كل اللي ربنا ابتلاهم بيه من نظرة أن شكله غريب، والحمد لله على نعمة الأهل لأنهم الوحيدين اللي بيقبلوا الواحد زي ما هو”.
ما هو مرض البهاق
هو مرض جلدي يحدث بسبب موت أو توقف عمل الخلايا الصبغية التي تنتج الميلانين مما يسبب فقدان لون الجلد الطبيعي وظهور بقع بيضاء اللون يمكن أن تؤثر في الجلد أو في أي جزء من الجسم، وقد يؤثر أيضًا في الشعر وداخل الفم. كما تختلف الحالة من شخص لآخر، حيث لا يمكن التنبؤ بمعدل تأثر الجلد وفقدان اللون به، ولا يعد المرض معديًا؛ حيث يؤثر في جميع أنواع البشرة؛ لكن قد يكون أكثر وضوحًا في ذوي البشرة الداكنة.
